Pjesëtarët e forcave turke të sigurisë, në aeroportin Ataturk të Stambollit kanë zbuluar dhe sekuestruar nëntë kilogramë e 709 gramë kokainë, ku kanë arrestuar një shqiptar, raporton Anadolu Agency (AA).
Ekipet për luftë kundër tregtisë me narkotikë, pjesë e policisë së Stambollit, kanë kontrolluar valixhen e personit me inicialet N.K (48), me origjinë nga Shqipëria, i cili më 2 maj ka mbërritur në Stamboll nga Sao Paulo i Brazilit.
Kokaina, e fshehur në pjesën e poshtme të valixhes është sekuestruar, ndërsa pronari i saj është arrestuar.
