Një avion me 68 pasagjerë dhe katër anëtarë të ekuipazhit është rrëzuar në rajonin Pokhara në pjesën qendrore të Nepalit, transmeton Anadolu Agency (AA).
Avioni i pasagjerëve i tipit “ATR 72” i kompanisë Yeti Airlines, i cili u nis nga kryeqyteti Katmandu në drejtim të Pokhara-s, është rrëzuar pranë luginës së Lumit Seti, raportoi Katmandu Post.
Zëdhënësi i kompanisë Sudarshan Bartaula ka thënë se avioni mbante 68 pasagjerë dhe ekuipazhin prej katër anëtarësh.
Bartaula ndau informacionin se mes pasagjerëve gjendeshin dhjetë shtetas të huaj dhe dy foshnja.
Kryeministri i vendit aziatik Pushpa Kamal Dahal kërkoi nga forcat e sigurisë dhe popullata që të mbështesin përpjekjet e shpëtimit në rajon.
Në pamjet e transmetuara në televizionin shtetëror, shihet se si flaka dhe tymi dilnin nga avioni që është rrëzuar në një zonë të pjerrët rrëzë Himalajeve.
Njoftohet se në vendin e aksidentit janë gjetur trupat e pajetë të disa pasagjerëve.
🚨#BREAKING: Passenger Jet With At Least 70 People On Board Crashes
⁰📌 #Nepal | #AsiaYeti Airlines flight from Kathmandu crashes in Pokhara, Nepal, with 72 people onboard with at least 70 people are dead pic.twitter.com/tbEM3zW9DR
— R A W S G L 🌎 B A L (@RawsGlobal) January 15, 2023
