Ministria e Shëndetësisë ka njoftuar se gjatë 24 orëve të fundit është regjistruar një rast i vdekjes dhe 29 raste të reja pozitive me COVID-19.
Sipas njoftimit, gjatë kësaj kohe janë shëruar 36 qytetarë, teksa numri i përgjithshëm i të shëruarve nga koronavirusi ka shkuar në 156 mijë e 448 persona, shkruan lajmi.net.
Aktualisht në Kosovë janë 1 mijë e 43 raste aktive, ndërsa brenda 24 orëve të fundit janë dhënë 7 mijë e 947 doza të vaksinës kundër COVID-19.
Njoftimi i plotë i MSH-së:
13 Tetor 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
Në 24 orët e fundit janë dhënë 7.947 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 1.476.104 doza të vaksinës.
Deri më sot 648.218 qytetarë janë vaksinuar me dozën e dytë.
Nga 2.526 testime, 29 qytetarë kanë rezultuar pozitiv me virusin COVID-19.
Gjatë 24 orëve të fundit, janë shënuar 1 raste të vdekjes
Sot janë shëruar 36 qytetarë, derisa numri i përgjithshëm i të shëruarve është 156.448.Në total numri i rasteve aktive është 1.043.