Një palestinez u vra dhe një tjetër u plagos sot në sulme të ndara izraelite në Rripin e Gazës, mes shkeljeve të vazhdueshme të armëpushimit që është në fuqi që nga tetori, raportoi një burim mjekësor, transmeton Anadolu.
Një dron izraelit goditi dhe vrau një palestinez në qytetin jugor Rafah, tha burimi.
Në një incident tjetër, një palestinez u plagos nga të shtënat e ushtrisë izraelite në qytetin verior Beit Lahia.
Forcat izraelite kanë kryer shkelje pothuajse të përditshme të armëpushimit përmes bombardimeve dhe përdorimit të municionit të vërtetë, duke vrarë 736 palestinezë dhe duke plagosur 2.035 të tjerë që nga hyrja në fuqi e marrëveshjes.
Armëpushimi u arrit pas dy vitesh gjenocidi të nisur nga Izraeli në Gaza më 8 tetor 2023, me mbështetjen e SHBA-së. Lufta ka lënë të vrarë më shumë se 72 mijë palestinezë dhe të plagosur mbi 172 mijë të tjerë ndërsa ka shkatërruar rreth 90 për qind të infrastrukturës së enklavës.
