Agjencia e OKB-së për refugjatët parashikoi sot se numri i njerëzve që ikin nga lufta në Ukrainë do të rritet në 8,3 milionë, raporton Anadolu Agency (AA).
“Shpejtësia me të cilën njerëzit po ikin, nuk e kemi parë kohët e fundit”, tha zëdhënësja e UNHCR-së Shabia Mantoo në një konferencë për shtyp.
Ajo tha se projeksioni i UNHCR-së për refugjatët për njerëzit që ikin nga lufta është për këtë vit.
Mantoo tha se numri i personave të zhvendosur brenda vendit në Ukrainë është 7,7 milionë, duke i shtuar më shumë se 5,2 milionë që kanë ikur në vende të tjera.
Të paktën 2.665 civilë janë vrarë dhe 3.053 janë plagosur në Ukrainë që kur Rusia nisi një luftë kundër Ukrainës më 24 shkurt, sipas vlerësimeve të OKB-së, kurse shifra reale dyshohet të jetë shumë më e lartë. /aa
