OKB thotë se një numër rekord i Sirianëve po përballen me uri, kequshqyerje dhe sëmundje 10 vjet pasi filloi lufta civile.
Kombet e Bashkuara po kërkojnë 10 miliard dollarë ndihmë për të ndihmuar Sirinë, duke thënë se civilët atje vazhdojnë të përballen me sulme si dhe uri dhe varfëri në rritje, pasi pandemia i bashkohet “dëshpërimit dhe katastrofës” të 10 viteve të luftës civile.
Thirrja erdhi përpara Konferencës së Brukselit të së martës mbi Sirinë, një ngjarje vjetore e bashkë-organizuar nga OKB dhe Bashkimi Evropian.
Ndihma përfshin 4.2 miliard dollarë për situaten humanitare brenda Sirisë dhe 5.8 miliard dollarë për refugjatët dhe nikoqirët e tyre në Lindjen e Mesme. /Mesazhi.com
