Vdekjet rriten pavarësisht mbërritjeve më të pakta, me rrugën qendrore të Mesdheut që shkakton një rritje të fortë.
Rreth 1.000 migrantë kanë vdekur duke u përpjekur të kalojnë Mesdheun nga fillimi i këtij viti deri më tani, tha Organizata Ndërkombëtare për Migracionin (IOM), duke paralajmëruar se vdekjet po rriten ndjeshëm edhe pse mbërritjet po ulen, transmeton Anadolu.
Më shumë se 180 persona dyshohet se kanë vdekur ose janë zhdukur në fundosjet e fundit të anijeve, duke e çuar numrin total të vdekjeve këtë vit të paktën në 990, një nga fillimet më vdekjeprurëse të një viti që nga 2014, tha agjencia në një deklaratë.
Vetëm në Mesdheun qendror, tha IOM, rreth 765 persona kanë vdekur, mbi 460 më shumë se gjatë të njëjtës periudhë në 2025.
“Këto tragjedi tregojnë edhe një herë se shumë njerëz ende rrezikojnë jetën e tyre në rrugë të rrezikshme”, tha drejtoresha e përgjithshme e IOM-it, Amy Pope.
“Shpëtimi i jetëve duhet të vijë i pari. Por, gjithashtu na nevojiten përpjekje më të forta dhe të bashkuara për të ndaluar trafikantët dhe kontrabandistët që shfrytëzojnë njerëzit e pambrojtur dhe për të zgjeruar rrugët e sigurta dhe të rregullta në mënyrë që askush të mos detyrohet kurrë në këto udhëtime vdekjeprurëse”, shtoi ajo.
Më 5 prill, një anije me rreth 120 persona u përmbys pas nisjes nga Libia, duke lënë më shumë se 80 të zhdukur. Të mbijetuarit u shpëtuan dhe u dërguan në Lampedusa.
Midis fundit të muajit mars dhe fillim të prillit, të paktën katër përmbytjes të veçanta të anijeve u regjistruan përgjatë rrugëve të Mesdheut. Incidentet pranë Kretës, afër Sfax-it, në jug të Italisë pranë Lampedusës, dhe në Detin Egje pranë Bodrumit, Turqi, lanë dhjetëra të vdekur dhe të tjerë të zhdukur, sipas të dhënave të IOM-it.
“Pavarësisht një rënie të fortë të mbërritjeve, vdekjet po rriten”, tha agjencia duke shtuar se Italia ka regjistruar rreth 6.200 mbërritje deri tani në 2026, nga 9.400 gjatë të njëjtës periudhë në 2025.
IOM-i paralajmëroi se kapaciteti për kërkim dhe shpëtim mbetet i pamjaftueshëm dhe kërkoi koordinim më të fortë dhe zgjerim të rrugëve të sigurta për migracionin.
