Forcat izraelite po kryejnë operacione në disa zona të Rafahut, ndërsa raportet po tregojnë për përleshje të rënda midis grupeve të armatosura palestineze dhe ushtrisë izraelite në lindje të qytetit.
Kryeministri Benjamin Netanyahu ka thënë se Izraeli është gati të “luftojë me thonjtë tanë”, pas paralajmërimit të presidentit amerikan Joe Biden se furnizimet me armë mund të ndalohen.
Sekretari i Shtetit Antony Blinken pritet të paraqesë një raport në Kongres sot duke thënë se Izraeli nuk ka shkelur ligjin ndërkombëtar gjatë luftës së tij në Gaza, raporton Axios.
Asambleja e Përgjithshme e OKB-së pritet të votojë sot për një rezolutë që do t’i jepte “të drejta dhe privilegje” të reja Palestinës dhe i bën thirrje Këshillit të Sigurimit të OKB-së të rishqyrtojë në mënyrë të favorshme kërkesën e Palestinës për anëtarësim të plotë.
Hamasi ka thënë se delegacioni i tyre që merr pjesë në bisedimet e armëpushimit në Gaza në Kajro është nisur për në Katar dhe “topi tashmë është plotësisht” në duart e Izraelit, raporton AFP.
