Partia Demokratike e Kosovës (PDK) do të marrë pjesë në takimin i cili pritet të mbahet javën e ardhshme (e hënë), për konstituimin e institucioneve të vendit.
Nënkryetari i kësaj partie Memli Krasniqi, ka konfirmuar për lajmi.net se kjo parti do të marrë pjesë të hënën në takimin e thirrur nga Kurti e Osmani.
“PDK do të marrë pjesë në takimin e ftuar të hënën. Si parti kryesore opozitare, qëndrimet tona rreth formimit të institucioneve do t’i bëjmë të njohura në takim”, ka thënë Krasniqi për lajmi.net.
Ndryshe, kandidati i Lëvizjes Vetëvendosje (LVV) për kryeministër, Albin Kurti si dhe kandidatja për presidente, Vjosa Osmani të enjten mbrëma u kanë dërguar letër partive politike për t’u takuar të hënën, më 15 mars për të diskutuar rreth konstituimit të institucioneve të vendit.
