Një vit pas grushtit të shtetit në Mianmar, një rezolutë e Parlamentit Evropian për vendin aziatik dënoi fuqimisht furnizimin me armë dhe pajisje ushtarake për ushtrinë e këtij vendi (Tatmadaw) nga Kina, Rusia dhe Serbia duke theksuar se këto vende do të jenë drejtpërdrejt përgjegjëse për mizoritë e kryera, sipas https://www.europarl.europa.eu.
Rezoluta dënoi fuqishëm edhe mbështetjen e juntës së Mianmarit për luftën e paligjshme që Rusia po bën në Ukrainë.
Rezoluta e Parlamentit Evropian ”i bën thirrje vendeve të ASEAN-it, anëtarëve të saj dhe veçanërisht të dërguarit të saj të posaçëm në Mianmar që të përdorin një rol më proaktiv në Mianmar, të bashkëpunojnë me të dërguarin special të OKB-së dhe të angazhohen me të gjitha palët e përfshira… për të arritur një zgjidhje të qëndrueshme dhe demokratike të krizës aktuale në një të ardhme të afërt”.
Ajo shpreh keqardhje për vizitën e kryeministrit kamboxhian Hun Sen te sundimtari ushtarak i Mianmarit, Min Aung Hlaing, më 7 janar 2022.
Parlamenti Evropian kërkon nga të gjitha palët në krizën në Myanmar që të lehtësojnë aksesin e sigurt dhe të papenguar për ndihmën humanitare dhe t’u japin akses punonjësve humanitarë. /atsh
🇲🇲 While Europe's attention is on the Russian aggression in Ukraine, @msojdrova urges the EU not to forget #Myanmar: "Since Parliament adopted a resolution last year, nothing has improved. There has been violent repression of civilians in the country. 9,000+ political arrests" 👇🏼 pic.twitter.com/HPbvdUlG9S
— European Parliament in ASEAN (@EPinASEAN) March 10, 2022
