Përfundon protesta pas ndërprerjes së seancës

Protestuesit e mbledhur në oborrin e Kuvendit të Kosovës kanë nisur të shpërndahen.

Kusht i tyre për shpërndarje ishte që të ndërpritej seanca e Kuvendit, ku duhej të diskutohej për Projektligjin për tërheqjen e kursimeve nga Trusti. Dhe pasi, kryetari Glauk Konjufca, njoftoi për ndërprerje të seancës, edhe protestuesit e thirrur nga organizatat e dala nga lufta e UÇK-së, nisën të shpërndahen.

Kryeministri Albin Kurti ka ftuar për takim përfaqësuesit e veteranëve, të premten në orën 9:00.

Veteranët po protestojnë pasi nuk janë përfshirë në Projektligjin për pagën minimale. Qeveria insiston që veteranëve t’u rritet pensioni, por vetëm pas pastrimit të listave.