Presidenti çek, Petr Pavel mbërriti sot në kryeqytetin e Ukrainës, Kiev, ku do të takohet me homologun e tij ukrainas Volodymyr Zelenskyy, transmeton Anadolu.
Pavel u prit në Kiev nga ministri i Jashtëm ukrainas Andrii Sybiha pasi presidenti çek vizitoi qytetin perëndimor ukrainas Lviv, ku zhvilloi bisedime me autoritetet lokale të enjten.
“Ne presim me padurim bisedime kuptimplote me presidentin (Zelenskyy) për të çuar përpara partneritetin tonë strategjik, bashkëpunimin në mbrojtje dhe përpjekjet për paqe”, tha Sybiha në kompaninë amerikane të mediave sociale X pasi i uroi mirëseardhje Pavelit.
“Ne i jemi mirënjohës Çekisë dhe popullit të saj që qëndroi pranë Ukrainës”, shtoi ministri Sybiha.
Vizita e Pavelit në Ukrainë shënon të tretën e tij që kur mori detyrën në mars 2023. Ai vizitoi për herë të fundit Ukrainën në mars 2025.
