Një qytet i vogël në provincën e Kolumbisë Britanike në Kanada është tronditur nga një sulm me armë zjarri në një shkollë të mesme, ku u vranë tetë persona dhe u plagosën 27 të tjerë.
Policia kanadeze ka identifikuar një grua transgjinore 18-vjeçare si autoren e sulmit në Shkollën e Mesme Tumbler Ridge. Sipas autoriteteve, Jesse Van Rootselaar vrau një mësuese dhe pesë nxënës të moshës 12 deri në 14 vjeç, si dhe nënën dhe vëllain e saj nga ana e njerkut. Ajo më pas humbi jetën nga një plagë e shkaktuar nga arma e saj.
Autoritetet thonë se motivi i sulmit ende nuk është përcaktuar. Policia kishte ndërhyrë më herët në banesën e autores për raste të lidhura me shëndetin mendor dhe armët.
Të shtënat masive janë të rralla në Kanada, një vend me ligje të rrepta për kontrollin e armëve.
Qyteti Tumbler Ridge, me rreth 2.700 banorë, është zhytur në zi. Banorët janë mbledhur për të nderuar viktimat dhe për të mbështetur njëri-tjetrin në këtë moment të vështirë për komunitetin.
Nga Kanadaja ka raportuar gazetarja e Al Jazeera, Heidi Zhou-Castro. /mesazhi
