Presidenti amerikan Trump bëri pretendime “të rreme dhe të pakonfirmuara” lidhur me konfliktin e Iranit dhe të dhënat e tij në politikën e jashtme gjatë një konference për media të kohëve të fundit
Presidenti i SHBA-së, Donald Trump bëri pretendimesh “të rreme dhe të pakonfirmuara” lidhur me konfliktin e Iranit dhe të dhënat e tij në politikën e jashtme gjatë një konference për media të kohëve të fundit, sipas një verifikimi faktesh nga CNN të hënën, transmeton Anadolu.
CNN raportoi se Trumpi përsëriti një pretendim të hedhur poshtë prej kohësh se ai kishte kërkuar vrasjen e Osama bin Ladenit në një libër të vitit 2000. Libri e përmend Bin Ladenin vetëm kalimthi ndërsa udhëheqësi i Al-Kaedës u vra në një operacion amerikan të vitit 2011 të urdhëruar nga presidenti i atëhershëm Barack Obama.
Trump gjithashtu pretendoi në mënyrë të pasaktë se shumica e humbjeve të avionëve amerikanë në konfliktin me Iranin ishin për shkak të zjarrit miqësor. CNN raportoi se shumë avionë u rrëzuan nga zjarri iranian, përfshirë një F-15 dhe një A-10 ndërsa një avion mbikëqyrës E-3 u shkatërrua në një sulm të veçantë.
Presidenti amerikan përsëriti më tej një pretendim se ai ka “përfunduar tetë luftëra”, të cilin CNN e quajti të rremë, duke vënë në dukje se disa konflikte të cituara nuk ishin luftëra ose nuk mbaruan.
Trump gjithashtu ripërtëriu një pretendim të pabazuar se udhëheqësi venezuelian Nicolas Maduro dërgoi numër të madh të burgosurish në SHBA. Ekspertët i thanë më parë CNN-it se nuk ka prova që mbështesin këtë pretendim.
Për më tepër, Trumpi ekzagjeroi nivelet e trupave amerikane në Korenë e Jugut dhe përsëriti një pretendim të rremë se ish-nënpresidentja Kamala Harris nuk e vizitoi kurrë kufirin SHBA-Meksikë.
CNN tha se disa nga pohimet e tjera të Trumpit nuk mund të verifikoheshin në mënyrë të pavarur.
