Palestinezët në Rripin e Gazës, të cilët i janë nënshtruar sulmeve të rënda, urisë dhe zhvendosjes së detyruar për një kohë të gjatë, po hyjnë në festën e Kurban Bajramit nën hijen e gjenocidit të kryer nga Izraeli, raporton Anadolu.
Agresioni dhe shkatërrimi që Izraeli ka kryer në Gaza që nga 7 tetori 2023 po i zhduk ende pa filluar shenjat e gëzimit të Kurban Bajramit.
Ndërsa rrugët e qytetit janë shndërruar në rrënoja, janë bërë vende strehimi për palestinezët që janë zhvendosur me forcë shumë herë, ndërkohë nuk ka asnjë gjurmë gëzimi festash në fytyrat e njerëzve të uritur që janë mbledhur nëpër cepat e rrugëve.
Këtë vit, palestinezët e festojnë festën pa gëzimin e blerjes së rrobave të reja ose përgatitjes së kafshëve për kurban (flijim) dhe pa mbrojtje nga vapa e verës. Ata jetojnë në tenda primitive ku nuk ka privatësi dhe dinjitet.
Festa e Bajramit në Gaza vjen në mes të bombardimeve të vazhdueshme, shkatërrimeve të shumta, mungesës së burimeve të të ardhurave dhe ndërprerjes së plotë të ndihmës humanitare.
– Rrugët e përgatitura për festën u kthyen në rrënoja
Shtëpitë në Rripin e Gazës, nën bombardimet izraelite, janë shndërruar në grumbuj rrënojash. Përpara sulmeve, muret dhe hyrjet e shtëpive dekoroheshin për përgatitjet e festave, por tani këto mure janë shndërruar në rrënoja.
Rrugët e Gazës tani janë shndërruar në një bllokadë, shkatërrim dhe në pellg gjaku.
– “Nuk është festë, është katastrofë”
Nehad Abu Amsha, e cila kujdeset për familjen e saj prej shtatë anëtarësh, iu desh të emigronte nga Kampi i Refugjatëve Jibaliya në veri të Rripit të Gazës shumë herë dhe se nuk mund të gjente as këpucë për fëmijët e saj para Bajramit.
“Nuk kam parë kurrë një situatë të tillë në jetën time, kjo është periudha më e keqe në të cilën po jetojmë. Ushqimi dhe uji kanë mbaruar plotësisht”, tha 79-vjeçari palestinez Adil Shamiye.
Situata nuk është ndryshe as për 72-vjeçaren Aisha Abu Salah, e cila u zhvendos me forcë. Abu Salah, shëndeti i së cilës nuk është mirë, jeton në një tendë, e privuar nga kushtet më themelore të jetesës.
