Numri i të vdekurve nga shembja i një ndërtese në Stamboll është rritur në dhjetë, pasi ekipet e shpëtimit nxorrën trupa të tjerë nga rrënojat, transmeton Anadolu Agency (AA).
“Kemi gjetur katër trupa të tjerë. Numri i të vdekurve është rritur në dhjetë”, thuhet në një njoftim të Zyrës së Guvernatorit të Stambollit.
Në njoftim thuhet se 13 persona të tjerë janë të lënduar dhe se aktivitetet e shpëtimit janë duke vazhduar.
Ndërtesa shtatë katëshe në lagjen Kartal të Stambollit u shemb të mërkurën me rreth 30 banorë brenda.
Ekipet e shpëtimit janë duke iu përgjigjur zërave nga rrënojat dhe përpiqen për të arritur te të mbijetuarit.
