Nebil Shaas, Përfaqësuesi Special i Presidentit Palestinez Mahmoud Abbas, tha se votimi ka të ngjarë të shtyhet sepse Izraeli kishte lënë pa përgjigje mundësinë që zgjedhjet të mbahen edhe në Jerusalemin e okupuar.
Në prononcimin e tij për gazetën libaneze “En-Nehar” Shaas tha: “Zgjedhjet pa Jerusalemin nuk mund të mbahen. Sepse kjo përforcon dëshirën e Izraelit për ta ndarë atë nga ne.”
“Ka gjasa që zgjedhjet të shtyhen, nën hijen e lënies pa përgjigje të mundësisë që zgjedhjet të mbahen gjithashtu në Jeruzalemin e okupuar,” tha Përfaqësuesi Special.
Ndërkohë, Hussein Hamayil, zëdhënës i Lëvizjes Fatah, tha: “Fatah dhe udhëheqja palestineze këmbëngulin që zgjedhjet të mbahen në të gjitha territoret e okupuara palestineze, përfshirë Jerusalemin Lindor.”
Hamayil theksoi se çështja nuk është vetëm shtyrja e zgjedhjeve, por më tepër refuzimi për të pranuar çdo ulje të sovranitetit të tyre mbi Jerusalemin.
Ai akuzoi Izraelin për abuzim të zgjedhjeve palestineze në mënyra të ndryshme, të tilla si arrestimi i kandidatëve.
“Ne nuk presim një përgjigje nga Izraeli, por përkundrazi ne presim sigurime nga shoqëria ndërkombëtare që Izraeli të mos pengojë zgjedhjet,” tha ai.
Presidenti palestinez Mahmoud Abbas pas një periudhe 15-vjeçare më 15 janar nënshkroi një dekret duke bërë thirrje për zgjedhje në territoret e okupuara palestineze dhe të bllokuara nga Izraeli. /trt
