Shenjat fizike që tregojnë se jeni nën presion…

Simptomat e stresit: Shenjat fizike që tregojnë se jeni nën presion.

Charlotte Watts, nutricioniste dhe eksperte, beson se nutricioni luan rol të rëndësishëm në atë se si i përgjigjet trupi stresit.

Duke folur për ‘Healthista’, Watts shpjegon se simptomat e stresit shpeshherë mund të ndërlidhen me mungesë të vitaminave dhe mineraleve.

“Periudhat e stresit i shfrytëzojnë më shpejt vlerat tona ushqyese, ndërsa i tërë sistemi jonë, duke përfshirë energjinë, reagimet e trurit, hormonet dhe sistemi i imunitetit funksionojnë në ritëm më të shpejt dhe më të lartë” thotë ajo.

Kjo mund të shpijë në mungesë të vitaminave dhe mineraleve në periudhë afatgjate.

Më poshtë gjeni listën me disa simptoma dhe mungesën e vitaminave përkatës:

– Buzët e çara (mungesë e vitaminës B6)

– Kërcitja e dhëmbëve (mungesë e vitaminës B6)

– Vija të bardha në thonj (mungesë zinku)

– Kapsllëk dhe diarre (mungesë e magnezit)

– Infeksione në fyt dhe gjoks (mungesë e vitaminës A).

Ekzistojnë edhe plot studime tjera të cilat dokumentojnë se stresi mund të ketë ndikim edhe në peshën tonë.

Vlen të ceket se ndonëse stresi njihet si fenomen negativ, një ekip i hulumtuesve kishin pohuar se nivelet e ulëta të stresit faktikisht mund të jenë fitimprurëse në shëndetin qelizor.

Ky studim, i publikuar në ‘Cell Reports’, ka zbuluar se kortizoli, ndryshe i njohur si hormoni i stresit, mund t’i mbrojë qelizat e plakjes dhe t’ju mbrojë nga rreziqet e sëmundjeve degjeneruese si Alzheimeri./Mesazhi/