Shkëndija ka publikuar një video në faqen zyrtare të klubit, ku ka ironizuar me Milanin dhe madhështinë e klubit Rossoner.
Duke mos mohuar asnjëherë nivelin e lartë të Milanit, Shkëndija ka krahasuar ciliësitë e Milanit me atë të klubit tetovar, aspektet e kulturës së dy qyteteve, Milanos dhe Tetovës.
Krahasimet e bëra janë vërtet interesante dhe mund të konsiderohen si thumbim, apo tallje me Milanin.
Video mbyllet me moton se të gjithë zemrat e shqiptarëve do të rrahin “kuq e zi”, ashtu sikurse që janë ngjyrat e klubit të Milanit.
Shkëndija dhe Milani do të përballen më 19 gusht në San Siro në ndeshjen e parë.
Ndeshja kthyese zhvillohet më 24 gusht në Shkup.
