Një nga arsyet e suksesit të Kinës në industrinë e automobilave është edhe fuqia punëtore më e lirë krahasuar, për shembull, me Gjermaninë. Por, kostot e prodhimit do të jenë edhe më të ulëta.
Marka Avatr Technology, partner i Huaweit, sapo ka hapur një fabrikë të re të automjeteve elektrike, që është një laborator teknologjik dhe prodhon një makinë elektrike çdo 60 sekonda.
Sipas raportimit të Cars News China, linja kryesore e prodhimit në këtë fabrikë, e zhvilluar së bashku me Huawein, Changan Automobile dhe China Unicom, është plotësisht automatizuar.
Fabrika është dizajnuar për prodhim fleksibël, me sisteme të lidhura gjatë gjithë procesit të prodhimit dhe integron sisteme të ndryshme digjitale, si automatizim, pajisje rrjeti 5G, analizë me inteligjencë artificiale dhe infrastrukturë për monitorimin e të dhënave.
Sistemi mbështet prodhimin e shumë automjeteve në të njëjtën linjë, me sisteme të ndryshme të fuqisë së lëvizjes, dhe është në gjendje të menaxhojë më shumë se 1200 variante të ndryshme konfigurimi pa ndikuar në shpejtësinë e prodhimit.
Objekti, që kërkon pothuajse aspak personel, përdor 369 pika monitorimi, 26 pika kontrolli të cilësisë dhe sisteme inspektimi vizual të asistuara nga inteligjenca artificiale në 73 stacione pune.
