Sot duke filluar nga ora 12:00, qytetarët të cilët janë pro për të lejuar tërheqjen e parave nga Trusti, do të mbajnë një protestë para Qeverisë së Kosovës.
Kjo pasi Qeveria është shprehur kundër lejimit të tërheqjes së këtyre mjeteve.
Organizatori i kësaj proteste Adnan Jashari pret pjesëmarrje masive të qytetarëve. Para dy ditësh, Jashari ka thënë për Tëvë 1 se arsyeja e kësaj proteste është sensibilizimi i deputetëve që ta votojnë këtë projektligj.
Në propozimin e dërguar nga PDK-ja, kërkohet që qytetarëve të ju mundësohet tërheqja e kursimeve pensione deri në 30%.
