Në murin e jashtëm të një xhamie në Austri janë shkruar shkrime raciste dhe anti-islame, transmeton Anadolu Agency (AA).
Në një deklaratë nga zyrtarët e ‘Yeşil Cami‘ në Sollenau në rajonin e Austrisë së Poshtme, thuhet se një person i paidentifikuar ka hyrë në orët e para të mëngjesit pa leje në tokën ku ndodhet xhamia dhe ka shkruar në muret e jashtme të saj shkrime raciste dhe islamofobe.
Në deklaratë dënohet në mënyrën më të rëndë sulmi armiqësor ndaj Islamit dhe nënvizohet se ky është një sulm i kryer kundër të gjithë muslimanëve dhe lirisë fetare në vend.
Ambasadori i Türkiye-s (Turqisë) në Vjenë, Ozan Ceyhun ka dënuar ashpër sulmin dhe ka ndarë informacionin se forcat e policisë kanë filluar një hetim për të zbardhur ngjarjen.
Ceyhun vuri në dukje besimin se autoritetet do të kapin në kohën më të shpejtë agresorin. “Shpresoj që kjo ngjarje të jetë sulmi i fundit racist që prish qetësinë shoqërore në Austri”, tha ai.
Ndërkohë konsulli i Përgjithshëm i Türkiye-s në Vjenë, Cafer Mert Özmert vizitoi shoqatën e xhamisë dhe i uroi “të shkuara” si dhe bëri një vëzhgim lidhur me sulmin. /aa
