Të paktën 14 palestinezë janë vrarë në sulme izraelite që nga mëngjesi i sotëm në Rripin e Gazës, sipas burimeve spitalore të cituara nga Al Jazeera Arabic.
Më herët u raportua se gjashtë persona u vranë në jug të Gazës pasi forcat izraelite goditën tenda që strehonin të zhvendosur në zonën al-Mawasi.
Ndërkohë, raporte të reja nga veriu i Gazës tregojnë për të paktën tetë viktima në zonën as-Saftawi, në veri të qytetit të Gazës, ku avionët izraelitë bombarduan shkollën Osama bin Zaid, një strehë për shumë të zhvendosur.
Mes të vrarëve janë dy fëmijë dhe një grua.
Numri i viktimave pritet të rritet ndërsa ekipet e shpëtimit vazhdojnë të kërkojnë në rrënojat e shkollës dhe tendave të goditura nga sulmet ajrore. /mesazhi
