Instituti Kombëtar i Shëndetësisë Publike në Kosovë (IKSHPK) ka njoftuar të martën se janë regjistruar tetë raste të reja të infektimit me COVID-19 pas testimit të 2,133 mostrave.
Ndërsa, gjatë 24 orëve të fundit nuk është regjistruar asnjë viktimë.
Sipas njoftimit të IKSHPK-ja më 13 korrik janë shëruar 32 qytetarë, derisa numri i përgjithshëm i të shëruarve është 105,495. Ndërsa raste aktive janë 108, transmeton Telegarfi.
Prej 13 marsit 2020, kur janë regjistruar rastet e para të infektimit, autoritetet shëndetësore në Kosovë kanë regjistruar 107,867 pacientë me këtë virus.
Prej tyre 2,264 kanë vdekur.
Në Kosovë tashmë ka nisur programi i vaksinimit masiv kundër coronavirusit, me vaksina të prodhuesve Pfizer/BioNTech dhe AstraZeenca.
Në 24 orët e fundit janë dhënë 6.503 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 270,641 doza të vaksinës.
Deri më sot 72,476 qytetarë janë vaksinuar me dozën e dytë.
