Forcat turke të sigurisë arrestuan sot 18 të dyshuar në operacione të ndara kundër terrorizmit që synonin grupin terrorist ISIS (DEASH) në Turqinë lindore, thanë autoritetet, transmeton Anadolu.
Në provincën juglindore të Sanliurfa-s, tetë të dyshuar u arrestuan për shpërndarje të postimeve në mediat sociale që lavdëronin ISIS-in, tha zyra e guvernatorit në një deklaratë.
Operacioni u krye nën koordinimin e Zyrës së Kryeprokurorit Publik pas zbulimit të përmbajtjes propagandistike të lidhur me grupin terrorist.
Ndërkohë në provincën lindore Agri, policia ndaloi 10 të dyshuar gjatë bastisjeve të njëkohshme që synonin aktivitetet e dyshuara të ISIS-it. Forcat e sigurisë gjatë kontrolleve në adresa sekuestruan botime dhe materiale dixhitale të ndaluara.
Hetimet vazhdojnë si pjesë e përpjekjeve më të gjera të Turqisë për të parandaluar rekrutimin, propagandën dhe aktivitetet organizative të organizatës terroriste pas sulmit vdekjeprurës në Yalova që vrau tre oficerë policie më 29 dhjetor.
