Turqia ka dënuar sulmin ndaj një kishe në shtetin Ondo të Nigerisë, ku humbën jetën më shumë se 50 civilë.
Në një deklaratë me shkrim të bërë nga Ministria e Punëve të Jashtme thuhet: “Ne jemi thellësisht të pikëlluar nga humbja e më shumë se 50 jetëve të civilëve të pafajshëm në sulmin ndaj një kishe në shtetin Ondo të Nigerisë. Ne e dënojmë fuqishëm këtë sulm të tmerrshëm, shprehim ngushëllimet tona të sinqerta për familjet e atyre që humbën jetën dhe popullit dhe qeverisë mike nigeriane, ndërsa të plagosurve u urojmë shërim të shpejtë”.
Të paktën 50 persona u raportuan të vrarë në një sulm të armatosur në kishën e Shën Françeskut Xavier në qytetin Owo në shtetin jugperëndimor Ondo të Nigerisë. /trt
