Të paktën 3 palestinezë u vranë dhe 8 të tjerë u plagosën kur forcat izraelite kryen sot bastisje në qytetin Jenin në Bregun Perëndimor të pushtuar, transmeton Anadolu Agency (AA).
“Tre palestinezë u martirizuan dhe 8 të tjerë u plagosën nga plumbat e ushtarëve izraelitë në qytetin Jenin”, thuhet në deklaratën e Ministrisë palestineze të Shëndetësisë.
Sipas një raporti të televizionit shtetëror palestinez, u konstatua se palestinezët e vrarë ishin Bera Lehluh, Leys Ebu Surur dhe Yusuf Salah.
Dëshmitarët okularë thanë se ushtarët izraelitë bastisën Jeninin dhe hapën zjarr ndaj një automjeti me 4 palestinezë brenda.
Pas incidentit, shpërthyen përleshje mes ushtarëve izraelitë dhe dhjetëra palestinezëve. Ushtarët izraelitë ndërhynë duke përdorur municion të vërtetë dhe gaz lotsjellës.
Autoritetet izraelite deri më tani nuk janë prononcuar lidhur me incidentet. /aa
⭕️BREAKING|| Israeli occupation forces assassinated 3 Palestinians, during a military raid into Jenin camp while they were in a vehicle, injuring several others. pic.twitter.com/umKdnulMQh
— PALESTINE ONLINE 🇵🇸 (@OnlinePalEng) June 17, 2022
