Juventusi po vazhdon të hetohet nga prokuroria në Itali për shkelje të dyshuara në lidhje me shit-blerjen e lojtarëve, duke fshehur mënyrën e pagesës dhe kontratat e tyre.
Sipas asaj që raporton ‘Corriere dello Sport’, janë 9 marrëveshje që kanë hyrë në llupen e prokurorit dhe janë cilësuar si të paligjshme, transmeton lajmi.net.
Transaksionet, pasi kryheshin, depozitoheshin në Ligë si huazime me të drejta të shlyerjes. Në realitet, megjithatë, marrëveshjet parashikonin detyrim të shlyerjes, ndryshe nga ajo që ishte komunikuar.
Gjithnjë sipas mediumit të lartpërmendur, Juventusi dyshohet se ka operuar ilegalisht me Atalantën për Mattiello, Caldara dhe Romero,, pastaj me Bologna për Orsolinin,, Cagliarin për Cerriin, Sampdorian për Auderon, Sassuolon për Demiral dhe Traorén si dhe Udinesen për Mandragoran.
