Zyrtarët iranianë: Nuk ka shpresë të kenë mbijetuar marinarët e tankerit

Zyrtarët iranianë kanë konfirmuar se nuk ka shpresë të kenë mbijetuar marinarët e tankerit me naftë në Kinë, njoftoi televizioni shtetëror, transmeton Anadolu Agency (AA).

“Nuk ka shpresë se do të gjejmë të mbijetuar midis 29 anëtarëve të zhdukur të ekuipazhit”, deklaroi drejtori i Agjencisë Detare të Iranit, Mahmoud Rastad.

Tankeri iranian me naftë “The Sanchin” mori flakë fundjavën e kaluar në Detin e Kinës Lindore pas përplasjes me një anije mallrash.

Shkaqet e përplasjes ende janë të panjohura. Tre trupa u gjetën në det, ndërsa kërkimet për 29 anëtarët e tjerë të ekuipazhit ende vijojnë. Ekuipazhi përbëhej nga iranianë dhe dy shtetas të Bangladeshit.

Anija kineze e mallrave “CF Crystal”, e cila ishte përfshirë në aksident me tankerin, kishte 21 anëtarë të ekuipazhit dhe të gjithë u shpëtuan.