Ministria e Shëndetësisë së Palestinës njoftoi se palestinezi 69-vjeçar, Suleiman al-Hathaleen, vdiq nga plagët e marra pasi u përplas nga një automjet ushtarak izraelit, transmeton Anadolu Agency (AA).
Suleiman al-Hathaleen u plagos rëndë më 5 janar pasi u godit nga një automjet ushtarak gjatë një bastisjeje izraelite në qytetin Umm al-Khair në pjesën jugore të Bregut Perëndimor nën pushtim.
Sipas të afërmve të tij, automjeti erdhi dhe u përplas drejt në Suleiman Al-Hathaleen, teksa ai qëndronte në anë të rrugës.
Në një deklaratë, Ministria e Shëndetësisë tha se Al-Hathaleen iu nënshtrua plagëve në spitalin Al-Mezan në El-Khalil (Hebron).
Al-Hathaleen konsiderohet si një simbol i rezistencës palestineze në mesin e vendasve, pasi ai merrte pjesë rregullisht në protesta kundër sulmeve izraelite në Bregun Perëndimor të pushtuar. /aa
