Ministria e Shëndetësisë njofton qytetarët e Republikës së Kosovës se procesi i vaksinimit kundër COVID-19 vazhdon edhe gjatë ditëve të uikendit si në sallën “1 Tetori” në Prishtinë, ashtu edhe në komunat e tjera të vendit, në lokacionet e caktuara nga Drejtoritë Komunale për Shëndetësi sipas tabelës së bashkëngjitur.
Në njoftimin për media thuhet se në qendrën e vaksinimit në Prishtinë – salla “1 Tetori” do të vaksinohen qytetarët të cilët sot gjatë ditës janë kontaktuar nga Ministria e Shëndetësisë, sipas aplikimit të tyre në platformën e vaksinimit kundër COVID-19, e-Kosova dhe sipas terminit të caktuar.
Po ashtu, vaksinimi në komuna gjatë dy ditëve të ardhshme bëhet sipas ftesave të marra dhe termineve të caktuara për qytetarët nga njësitë e vaksinimit sipas listave në dispozicion të krijuara nga ana e tyre dhe përmes platformës e-kosova.
Me qëllim të mbarëvajtjes së procesit, vaksinimi do të bëhet vetëm për qytetarët që pranojnë thirrjen dhe japin konfirmimin për marrjen e vaksinës në qendrën e vaksinimit në komunat e tyre.
Ministria e Shëndetësisë bën të ditur gjithashtu se gjatë ditës së sotme, deri në ora 17:00 me vaksinën kundër COVID-19 janë vaksinuar rreth 3100 qytetarë të Kosovës.
MSh është e angazhuar që të siguroj numër sa më të madh të vaksinave kundër COVID-19, ndërsa gjatë këtij muaji dhe në fillim të muajit që vjen, pritet ardhja edhe e kontigjenteve tjera të vaksinave.
Më poshtë lista e qendrave aktuale të vaksinimit kundër COVID-19 në Kosovë.
Lista e qendrave të vaksinimit
Nr | Komuna | Lokacioni i vaksinimit |
1. | F. Kosovë | QKMF Fushë Kosovë |
2 | Kaçanik | QKMF Kaçanik |
3 | Rahovec | QKMF Rahovec |
4 | Obiliq | QKMF Obiliq |
5 | Viti | QKMF Viti |
6 | Pejë | Njësia e vaksinimit, 200 m larg QKMF, Pejë |
7 | Podujevë | QKMF Podujevë |
8 | Vushtrri | QKMF Vushtrri |
9 | Mitrovicë | QKMF Mitrovicë |
10 | Malishevë | QKMF Malishevë |
11 | Suharekë | QKMF Suharekë |
12 | Gjakovë | QMF Ereniku Gjakovë |
13 | Drenas | QKMF Drenas |
14 | Prizren | QKMF Prizren |
15 | Dragash | QKMF Dragash |
16 | Kamenicë | QKMF objekti i ri |
17 | Gjilan | QMF Ramiz Cërnica |
18 | Prishtinë | Salla 1 Tetor |
19 | Junik | QKMF |
20 | Lipjan | QKMF Lipjan |
21 | Ferizaj | QKMF Ferizaj |
22 | H.Elezit | QKMF Hani i Elezit |
23. | Istog | QKMF Istog |
24. | Klinë | QKMF Klinë |
25. | Mamushë | QKMF |
26. | Novobërdë | QKMF |
27. | Shtime | QKMF Shtime |
28. | Deçani | QKMF Deçan |
29 | Skenderaj | QKMF Skenderaj |