Ballina Lajmet Rajon dhe Botë Cikloni “Akvan” godet Indinë, mbi 300 mijë të evakuuar

Cikloni “Akvan” godet Indinë, mbi 300 mijë të evakuuar

Cikloni “Akvan” ka mbërritur në tokë sot herët përgjatë bregut lindor të Indisë, transmeton Anadolu.

“Procesi i mbërritjes në tokë ka filluar dhe do të vazhdojë për tre orët e ardhshme”, shkroi Departamenti Meteorologjik i Indisë në platformën e mediave sociale amerikane X.

Më shumë se 300 mijë njerëz janë evakuuar në vende më të sigurta në shtetin lindor të Odisha-s, raportoi “Press Trust of India”. Det i trazuar, shi i dendur dhe erëra të forta goditën disa pjesë të shtetit ndërsa cikloni goditi vijën bregdetare.

Aktualisht nuk ka asnjë informacion nëse cikloni ka shkaktuar ndonjë dëm.

India kohët e fundit përjetoi dy ciklone të mëdha, “Arnab” dhe “Murasu”, të cilët goditën Andhra Pradesh-in me radhë, duke shkaktuar dëme të mëdha në pronë, infrastrukturë dhe kultura bujqësore.