Tre fëmijët, djali dhe dy vajzat e 74-vejçares, e cila vdiq sot nga koronavirusi, janë të prekur me këtë virus.
Kështu ka bërë të ditur për lajmi.net, drejtori i Shëndetësisë në Komunën e Rahovecit, Samir Mustafa.
Ai ka thënë se gjendja e tyre është e mirë dhe janë duke u trajtuar në shtëpi.
Msutafa po ashtu ka treguar se 74-vjeçarja, e cila vdiq sot, kishte edhe sëmundje të tjera shoqëruese.
“ Po janë edhe 3 anëtar të familjes , djali dhe dy vajzat, gjendja e tyre është stabile, nuk ka komplikime shëndetësore. Ata janë duke u trajtuar në shtëpinë tyre. Kontaktet e djemve që kanë dal pozitiv, kanë rezultuar negativ. E ndjera ka pasur edhe komplikime të tjera shëndetësore, jo që ka ndikuar virus në vdekjen e saj. Me vite ka vuajtur nga reuma, sëmundja e zëmrës”, ka thënë ai.
Ai po ashtu ka thënë se në komunën e Rahovecit aktualisht janë edhe 17 raste aktive.
