1 – Hudhejfe ibn Jemani (r.a) dhe Ebu Dherri (r.a) transmetojnë se kur Profeti (a.s) zgjohej nga gjumi thonte:
الحَمْدُ لِلَّهِ الَّذي أحْيانا بَعْدَما أماتَنا وإلَيْهِ النشور
Transkriptimi: “El hamdu lil lahil ledhi ahjana ba’dema ematena ue ilejhin nushur”
Përkthimi: “Lavdet i takojnë Allahut, i Cili na ringjalli pasi kishim vdekur dhe tek Ai është ringjallja.”
2 – Ebu Hurerja (r.a) ka thënë se Profeti (a.s) ka thënë: Kur dikush prej jush të zgjohet nga gjumi le të thotë:
الحَمْدُ لِلَّهِ الَّذي رَدَّ عَلَيّ رُوحِي، وَعافانِي في جَسَدِي، وأذِن لي بذكره
Transkriptimi: “Elhamdu lil lahil ledhi redde alejje ruhi, ue afani fi xhesedi ue edhine li bi dhikrihi”
Përkthimi: “Lavdet i takojnë Allahut, i Cili ma ktheu shpirtin tim, më dha shëndet në trupin tim dhe më lejoi që ta kujtoj Atë me dhikër.”
3 – Aishja (r.a) transmeton se Profeti (a.s) ka thënë: “Çdo rob i Allahut i cili thotë pasiqë Allahu i Lartmadhëruar ia ka kthyer shpirtin…., Allahu i Lartmadhëruar ka për t’ia falur mëkatet edhe sikur të jenë sa shkuma e detit.”
لا إلهَ إلاَّ اللَّهُ وَحْدَهُ لا شَريكَ لَهُ، لَهُ المُلْكُ وَلَهُ الحَمْدُ وَهُوَ على كُلّ شئ قَدِيرٌ
Transkriptimi: “La ilahe il-lallahu uahdehu la sherike lehu, lehul mulku ue lehul hamdu ue huue ala kul-li shej’in kadir.”
Përkthimi: “Nuk ka zot tjetër përveç Allahut, Një i Vetëm, Ai nuk ka ortak në adhurim, Atij i takon sundimi dhe lavdi, e Ai është i Plotfuqishëm mbi gjithçka.”
4 – Ebu Hurejra (r.a) transmeton se Profeti (a.s) ka thënë: “Kushdo që zgjohet nga gjumi dhe thotë…. Allahu thotë: Robi im ka thënë të vërtetën.”
الحَمْدُ لِلَّهِ الَّذي خَلَقَ النَّوْمَ واليَقَظَةَ، الحَمْدُ لِلَّهِ الَّذي بَعَثَنِي سالِماً سَوِيّاً، أشْهَدُ أَنَّ اللَّهَ يُحْيِي المَوْتى وَهُوَ على كُلّ شئ قَدِير
Transkriptimi: “Elhamdu lil lahil ledhi khalekan neume uel jekadhete, elhamdu lil lahil ledhi beatheni salimen seuijjen, esh’hedu ennell llahe juhjil meute ue huue ala kul-li shej’in kadir.”
Përkthimi: “Lavdet i takojnë Allahut, i Cili ka krijuar vdekjen dhe zgjimin. Lavdet i takojnë Allahut, i Cili më ringjalli shëndoshë e mirë. Dëshmoj se Allahu i ringjall të vdekurit dhe Ai është i Plotfuqishëm mbi gjithçka.”
5 – Aishja (r.a) ka thënë: Kur Profeti (a.s) zgjohej natën ka pasë thënë: … pastaj fillonte të falte namaz nafile.
الله أكبر، الحمد لله، سبحان الله بحمده، سبحان القُدُوس, أستغفر الله، لا إله إلا الله, اللهم إني أعوذ بك من ضيق الدنيا و ضيق يوم القيامة
Transkriptimi: “Allahu Ekber (10 herë), El hamdu lil lah (10 herë), Subhanallahi ue bi hamdihi (10 herë), Subhanel Kudusi (10 herë), Estagfiruallah (10 herë), La ilahe il’allah (10 herë) dhe Allahumme inni eudhu bike min diikid dunja ue diiki jeumil kijameh (10 herë)”
Përkthimi: “Allahu është më i Madhi (10 herë), Lavdet i takojnë Allahut (10 herë), I Lartësuar është Allahu me lavdinë e Tij (10 herë), I Lartësuar është i Shenjti (10 herë), Kërkoj falje tek Allahu (10 herë), Nuk ka zot tjetër përveç Allahut (10 herë). O Allah kërkoj mbrojtje tek Ti nga ngushtica e Dynjasë dhe nga ngushtica e Ditës së Kiametit (10 herë).”
6 – Aishja (r.a) transmeton se kur i Dërguari i Allahut zgjohej gjatë natë, thonte:
لا إلهَ إِلاَّ أنْتَ سُبْحانَكَ اللَّهُمَّ أسْتَغْفِرُكَ لِذَنْبِي، وأسألُكَ رَحْمَتَكَ، اللَّهُمَّ زِدْنِي عِلْماً ولا تزغ قلبي بعد إذ هديتني، وَهَبْ لِي مِنْ لَدُنْكَ رَحْمَةً إنَّكَ أنت الوهاب
Transkriptimi: “La ilahe il-la ente, subhanekell llahumme, estagfiruke li dhenbi, ue es’eluke rahmeteke, Allahumme zidni ilmen, ue la tuzig kalbi ba’de idh hedejteni, ue heb li mil ledunke rahmeten, Inneke entel uehhab.”
Përkthimi: “Nuk zot tjetër përveç Teje. I lartësuar je Ti! O Allah, të kërkoj falje për mëkatin tim dhe të lutem për mëshirën Tënde. O Allah, shtoma dijen dhe mos e shmang zemrën time pasi më udhëzove. Dhe më dhuro prej Vetes Tënde mëshirë, vërtet Ti je Dhuruesi i Madh.”
Autor: Imam Neueuiju
Transkriptoi dhe përktheu: Elton Harxhi
