Dy persona janë vrarë sot nga zjarri dhe bombardimet e ushtrisë izraelite në veri dhe jug të Rripit të Gazës.
Sipas burimeve mjekësore, një qytetar u vra nga të shtënat e forcave izraelite në qytetin Beit Lahia, në veri të Gazës.
Ndërkohë, në Khan Younis, në jug të territorit, një person tjetër u vra dhe tre të tjerë u plagosën pasi një sulm ajror goditi një tendë të të zhvendosurve pranë Kompleksit Mjekësor Nasser, në perëndim të qytetit.
Burime nga spitali Nasser konfirmuan mbërritjen e trupit të viktimës dhe tre të plagosurve, si pasojë e bombardimit të një tende që strehonte të zhvendosur.
Sipas raportimeve në terren, një dron i ushtrisë izraelite goditi një tendë brenda një shkolle që po përdorej si strehë për të zhvendosurit, në afërsi të Kompleksit Mjekësor Nasser, duke shkaktuar një të vrarë dhe disa të plagosur.
Më herët gjatë ditës, Husam Abu Khousa (43 vjeç) u vra nga të shtënat në zonën Al-Atatra në Beit Lahia, ndërsa katër persona të tjerë u vranë dhe disa u plagosën në bombardimet e mëngjesit në pjesët qendrore dhe jugore të Rripit të Gazës. /mesazhi
