Presidenti turk, Recep Tayyip Erdogan, ka përjashtuar çdo mundësi për një marrëdhënie paqësore me Izraelin për sa kohë që vazhdon lufta në Gaza.
Duke folur në përfundim të një samiti të NATO-s, Erdogan kritikoi ashpër bllokadën izraelite ndaj ndihmave humanitare për Gazën, duke thënë se organizata si Kryqi i Kuq po pengohen.
“Paqe dhe harmoni mes nesh nuk mund të ketë derisa ata [Izraeli] të vazhdojnë kështu,” tha Erdogan. “Izraeli nuk mund të sigurojë sigurinë e popullit të vet duke destabilizuar rajonin.”
Turqia dhe Izraeli dikur kishin marrëdhënie të ngushta, por lidhjet janë përkeqësuar gjatë dy dekadave të sundimit të Erdoganit. Ai ka dënuar ashpër trajtimin e palestinezëve nga Izraeli, ndërsa Izraeli kundërshton mbështetjen e tij për Hamasin. /mesazhi
