Sllovenia do të vazhdojë të mbështesë Palestinën, tha sot në Gjenevë, ministrja e Jashtme Tanja Fajon, ku u takua me ministren e Jashtme palestineze, Varsen Aghabekian Shahin, me të cilën diskutoi për situatën alarmante në Gaza dhe Bregun Perëndimor.
Takimi u mbajt në margjinat e Këshillit të të Drejtave të Njeriut të OKB-së në Gjenevë. Gjatë takimit u theksua se sulmet në Gaza dhe Bregun Perëndimor vazhdojnë ndërsa ndihma humanitare mbetet e pamjaftueshme, njoftoi Ministria e Jashtme dhe e Punëve Evropiane të Sllovenisë në rrjetin social X, kompani me seli në ShBA.
Siç është premtuar, Sllovenia do të vazhdojë të ofrojë mbështetje për Palestinën.
Kryediplomatja sllovene Fajon theksoi se forcimi i qeverisjes dhe institucioneve palestineze është me rëndësi kyçe.
