Policia e Kosovës ka dhënë detaje shtesë lidhur me përleshjen e para dy ditëve mes kandidatëve për deputetë nga VV dhe PSD, Dardan Molliqaj dhe Haki Abazi.
Sipas Policisë së Kosovës, e gjithë ngjarja kishte ndodhur në korridor të Universitetit Privat, jashtë studios, shkruan lajmi.net.
Policia thotë se Molliqaj dhe personi tjetër që ishte me të, ishin larguar nga vendi i ngjarjes pas sulmit.
Si pasojë e sulmit viktima kishte pësuar disa lëndime të vogla dhe nuk ka pranuar të marr tretman mjekësor.
Në vendin e ngjarjes kanë dalë njësitë policore, është njoftuar prokurori me vendim e të cilit rasti shkon në procedurë të rregullt.
