Qeveria e Kosovës në mbledhjen e saj të fundit ka bërë emërimin e anëtarëve të bordeve të drejtorëve për tre ndërmarrje publike.
Ndërsa, është bërë shkarkimi i Bordit të Kompanisë Rajonale të Ujësjellësit “Hidrodrini”
Sipas arsyetimit të zëvendëskryeministrit Besnik Bislimi, shkarkimi i Bordit është pas helmimit të qytetarëve në Deçan.
Për ndërmarrjen NPH “Ibër Lepenci” është emëruar Hyrmete Mydyti kryesuese e Bordit, ndërsa Avdi Gjonbalaj si anëtar i Bordit.
Në Bord të përkohshëm të KRU “Hidroregjioni Jugor” është emëruar Agron Prekazi, kryesues.
KRU “Bifurkacioni” ka emëruar Shpend Deda, kryesues.
Ndërsa, Bordi KRU “Hidrodrini” është shkarkuar.
“Kërkesa për shkarkimin e këtij Bordi ndodh për arsye ka dështuar ta zbatoj performancën. Kjo ndërmarrje është e detyruar ta kontrolloj cilësinë e ujit. Të gjeturat që kanë dalë në pah kanë ndikuar drejtpërdrejt në rënien e besimit të qytetarëve në ndërmarrjen”, tha Bislimi.
