Presidenti i Iranit, Masoud Pezeshkian, është plagosur në këmbë gjatë një sulmi ajror izraelit më 16 qershor, që kishte në shënjestër një takim të Këshillit Suprem të Sigurisë Kombëtare në perëndim të Teheranit, sipas agjencisë së lajmeve Fars, e lidhur me Gardën Revolucionare.
Sulmi përfshinte gjashtë raketa dhe synonte të bllokonte daljet dhe sistemin e ajrimit në një bunker nëntokësor. Pezeshkian dhe zyrtarë të tjerë të lartë, përfshirë kreun e parlamentit Mohammad Bagher Ghalibaf dhe kryegjykatësin Gholam-Hossein Mohseni Ejei, janë detyruar të evakuohen përmes një daljeje emergjente.
Kjo është konfirmimi i parë zyrtar për lëndimin e lidershipit iranian gjatë luftës 12-ditore me Izraelin.
Në një intervistë të fundit me gazetarin amerikan Tucker Carlson, Pezeshkian pranoi përpjekjen për atentat, por nuk kishte pohuar më parë se ishte plagosur.
Autoritetet po hetojnë bashkëpunim të mundshëm nga brenda me Izraelin. Deri tani janë arrestuar mbi 700 persona dhe në parlament po shqyrtohet një ligj i ri për spiunazhin, që parashikon dënimin me vdekje. /mesazhi
