Ivanov nuk i jep mandatin Zaevit, thotë se platforma shqiptare është e përgatitur nga një shtet tjetër

Presidenti i shteti Gjorge Ivanov, në një konferencë për shtyp tha se pas zgjedhjeve u befasuam nga një platformë nga një shtet tjetër me të cilën platformë nuk bisedohet. Ivanov tha se ai nuk ja jep mandatin Zaevit.

“Ajo është e përgatitur nga një shtet tjetër, dhe me ndërmjetësim të një shtetit tjetër. Përmbajtja e saj është jashtë Kushtetutës së Maqedonisë. Me këtë Platformë Maqedonia është e kërcënuar, ndërsa unitariteti dhe pavarësia është vënën në rrezik. Për shkak kësaj platforme shteti po humb unitaritetin e saj”, ka thënë Ivanov, përcjell SHENJA.

Për të ardhmen dhe karakterin e shtetit nuk mund të bisedohet tha Ivanov.

“Gjatë takimit me Zaevin kam kërkuar që të refuzoj këtë platformë, sepse qytetarët e Maqedonisë, kanë votuar për program dhe jo për platforma të formuara në shtetet tjera. Pranimi i platformave të huaj dënohet edhe me Kodin Penal. Nga Bashkësia Ndërkombëtare presim të dënojnë publikisht këtë platformë sepse paraqet ndërhyrje në punët e brenshsme të Maqedonisë dhe unitaritetin e saj. Heshtja e BE-së, na thotë se e ardhmja e vendit varet nga ne qytetarët dhe institucionet e saj”, tha mes tjerash Ivanov.