Ushtria izraelite shkatërroi një shkollë publike në qytetin jugor libanez Khiam, në një shkelje të re të armëpushimit të përkohshëm, raportuan sot mediat libaneze, transmeton Anadolu.
Agjencia shtetërore Kombëtare e Lajmeve tha se forcat izraelite e mbushën ndërtesën me eksploziv dhe e shpërthyen atë gjatë natës, duke e rrafshuar plotësisht strukturën.
Nuk pati asnjë koment të menjëhershëm nga ushtria izraelite për incidentin.
Që nga 2 marsi, Izraeli ka ofensivë në Liban që ka vrarë rreth 2.300 njerëz, ka plagosur më shumë se 7.500 dhe ka zhvendosur mbi 1 milion, sipas autoriteteve libaneze.
Presidenti i SHBA-së, Donald Trump njoftoi të enjten armëpushim 10-ditor në Liban pas telefonatave me presidentin libanez Joseph Aoun dhe kryeministrin izraelit Benjamin Netanyahu.
