Kombëtare e Iranit në futboll ka refuzuar të këndojë himnin kombëtar të tyre para ndeshjes kundër Anglisë në Kupën e Botës FIFA 2022 në shenjë proteste për vdekjen e 22-vjeçares iraniane Mahsa Amini, transmeton Anadolu Agency (AA).
Po ashtu disa tifozë iranianë në stadiumin ‘Khalifa International’ në Ar-Rayyan të Katarit fishkëlluan himnin e tyre për të njëjtën arsye.
Irani është në të njëjtin grup me Anglinë, SHBA-në dhe Uellsin. Kupa e Botës në Katar do të vazhdojë deri më 18 dhjetor.
Irani është tronditur nga protesta që nga mesi i muajit shtator pas vdekjes së Amini-t gjatë kohës kur ishte në paraburgim, e cila u arrestua nga policia morale e vendit me dyshime se ka shkelur kodin islamik të veshjes.
#BREAKING: Iran national team players choose not to sing national anthem at World Cup match; some of the Iranian crowed booing their own national anthem pic.twitter.com/RYPvgHMNUi
— Amichai Stein (@AmichaiStein1) November 21, 2022
