Qershitë janë në ditët më të mira të sezonit, prandaj, shfrytëzojini për të përgatitur me to ëmbëlsira të shijshme. Sigurisht që ato shijojnë edhe nëse hahen të freskëta por, nëse i përfshini në një ëmbëlsirë do të jenë edhe më të mira.
Përbërësit për 6 persona: 200 g miell, 100 g sheqer, 100 g gjalpë në temperaturë ambienti, 1 vezë dhe 1 e verdhë, pak kripë, 150 g reçel qershie, 500 g qershi pa bërthamë dhe gjalpë për tavën.
Përgatitja: Punojmë gjalpin deri sa të bëhet i butë dhe kremoz. Hapim miellin mbi një plan pune dhe në mes hedhim vezët, gjalpin, kripën dhe e punojmë brumin derisa të kirjojmë një masë homogjene të njëtrajtëshme. Me brumin formojmë një sferë të cilën e mbështjellim me qese transparente dhe e lëmë për 30 minuta në një vend të freskët. Brumin e marrim dhe e hapim në një tavë për krostata me anë të cekët, me diametër 22-24 cm, duke pasur parasysh që të lëmë brumë edhe anash. Mbi shtresën e brumit vendosim qershitë e plota dhe në fund shtojmë shtresën e reçelit. Piqet në furrë të nxehur më parë për 35 minuta, në 180 gradë.
