Eugen Cakolli nga Instituti Demokratik i Kosovës (KDI), ka treguar se si mund të jenë rezultatet përfundimtare të zgjedhjeve të 14 shkurtit.
Cakolli përmes një shkrimi në llogarinë e tij në Facebook, ka thënë se sipas rezultateve të deritanishme, Lëvizja Vetëvendosje mund të marrë 58 ulëse, Partia Demokratike e Kosovës 19 ulëse për qind dhe Lidhja Demokratike e Kosovës 15 ulëse, përcjell Demokracia.com.
Në vend të katër, sipas Cakollit vjen AAK-ja e cila sipas këtij rezultati do t’i marrë 8 ulëse.
Postimi i plotë:
Sipas rezultateve dhe votave të deritanishme, përfshirë votat e rregullta, votat me kusht, si dhe rreth 60% të votave me postë, rezultati përfundimtar – me një marzhë të vogël të lëvizjes/gabimit – mund të jetë si vijon:
LVV – 49.9% – rreth 437 mijë vota ➡️ 58 ulëse
PDK – 16.7% – rreth 147 mijë vota ➡️ 19 ulëse
LDK – 12.7% – rreth 111 mijë vota ➡️ 15 ulëse
AAK – 7.1% – rreth 62 mijë vota ➡️ 8 ulëse
LS – 5.1% – rreth 45 mijë vota ➡️ 10 ulëse
KDTP – 0.75% – rreth 6,500 vota ➡️ 2 ulëse
ADRIANA HODZIC – 0.74% – rreth 6,400 vota ➡️ 1 ulëse
VAKAT – 0.68% – rreth 6 mijë vota ➡️ 1 ulëse
RI – 0.46% – rreth 4 mijë vota ➡️ 2 ulëse
IRDK – 0.40% – rreth 3,500 vota ➡️ 1 ulëse
NDS – 0.33% – rreth 3 mijë vota ➡️ 1 ulëse
JGP – 0.25% – rreth 2,200 vota ➡️ 1 ulëse
PDAK – 0.25% – rreth 2,200 vota ➡️ 1 ulëse./
