Lideri i regjimit në Siri, Bashar al-Asad viziton Emiratet e Bashkuara Arabe

Lideri i regjimit në Siri, Bashar al-Asad u takua në Abu Dabi me presidentin e Emirateve të Bashkuara Arabe (EBA), Mohammed bin Zayed Al Nahyan, transmeton Anadolu.

Sipas agjencisë së lajmeve SANA të regjimit, Asadi dhe delegacioni bashkë me të ka vizituar Abu Dabin, kryeqytetin e EBA-së për të zhvilluar takime zyrtare.

Gjatë vizitës së tij, Asadi u takua me presidentin e EBA-së, Mohammed bin Zayed Al Nahyan.

Në vizitën e tij në EBA, Asadi u shoqërua nga bashkëshortja e tij Asma al-Asad dhe nga disa ministra dhe zv/ministra të regjimit.

Lideri i regjimit Asadi ka zhvilluar vizitë në EBA edhe në mars të vitit 2022.