Autoritet kosovare i kanë ndaluar hyrjen drejtorit të ashtuquajturës Zyrë për Kosovën në Qeverinë e Serbisë, Marko Gjuriq.
Lajmin për Telegrafin e ka konfirmuar Jetlir Zyberaj, shef i kabineti të zëvendëskryeministrit dhe ministrit të Punëve të Jashtme, Behgjet Pacolli.
“Nuk i është dhënë leja për vizitë në Kosovë për shkak të deklaratave të tij të fundit të cilat kanë kontribuar në ngritjen e tensioneve”, ka thënë Zyberaj.
Marko Gjuriq ka kërkuar leje për hyrje në Kosovë në fillim të javës së ardhshme, por kjo gjë nuk do të ndodh.
