Sindikata e Arsimtarëve në Maqedoninë e Veriut ka vendosur që të vijojnë grevën në kërkim të rritjes së pagave, duke refuzuar ofertën e qeverisë për rritje me 12 për qind të tyre.
Në përfundim të një mbledhjeje të mbajtur mbrëmjen e së martës, arsimtarët e kanë cilësuar të pamjaftueshme këtë ofertë dhe gjatë votimit në Kuvendin e Sindikatës shumica u deklarua kundër ofertës.
Në përgjigje, mësuesit kanë vendosur të mos zhvillojnë mësim nëpër shkolla duke nisur nga dita e nesërme.
Në Maqedoninë e Veriut, në arsimin parashkollor janë të punësuar rreth 4,500 persona, rreth 20,000 në arsimin fillor dhe afër 8,000 në arsimin e mesëm. /euronews
