Disa nga dërgesat e para të ndihmës ushtarake të SHBA kanë mbërritur në Ukrainë, sipas Shtëpisë së Bardhë, raporton CNN.
Në fillim të kësaj jave, presidenti Xhou Bajden miratoi një ndihmë prej 800 milionë dollarë për Kievin.
Bajden tha se mbështetja do të përfshijë armë të reja të përshtatura për të luftuar ‘sulmin më të gjerë’ të pritshëm të Rusisë në lindje.
Të premten, zyrtarë të mbrojtës i thanë CNN se dërgesat e para mund të arrin në rajon brenda 24 orëve dhe armatimet mund të merreshin nga ukrainasit në kufi.
SHBA ka rënë dakord për herë të parë për t’i ofruar Kievit armë të kalibrit të rëndë, përfshirë 11 helikopterë Mi-17, 18 topa Howitzer 155 mm dhe më shumë se 300 dronë Switchblade.
Këtë lëvizje, disa zyrtarë të Bajden e kanë konsideruar me rrezik të madh të përshkallëzimit të konfliktit.
Ndihma shtesë prej 800 milionë dollarë e çon ndihmën e SHBA për Ukrainën në 3 miliardë dollarë gjatë administratës Bajden. /euronews
