Në klinikat COVID-19 në QKUK dhe spitalet e përgjithshme rajonale janë duke u trajtuar 196 pacientë, ndërsa që të gjithë janë të konfirmuar pozitivë me COVID-19.
132 prej pacientëve janë në oksigjenoterapi, ndërsa në Mjekim Intensiv në Klinikë Infektive janë 4 pacientë, ka njoftuar Shërbimi Spitalor Klinik dhe Universitar i Kosovës (SHSKUK).
Në Pediatri po trajtohen 11 fëmijë me COVID-19.
Shifrat janë rritur për dallim nga raporti i të shtunës, kur të hospitalizuar thuhej se ishin 179 persona, prej tyre 119 me oksigjenoterapi.
Raporti sipas klinikave dhe spitaleve të përgjithshme:
Klinika Infektive, 78 pacientë
Mjekim Intensiv në Klinikë Infektive, 4 pacientë
Klinika e Pediatrisë, 11 pacientë
Klinika Obstetrike Gjinekologjike, 13 pacientë
Spitali i Gjakovës, 20 pacientë
Spitali i Pejës, 11 pacientë
Spitali i Prizrenit, 13 pacientë
Spitali i Mitrovicës, 20 pacientë
Spitali i Ferizajt, 9 pacientë
Spitali i Gjilanit, 17 pacientë
